Sjukepleiar/bioingeniør på Øystre Slidre legekontor- 50% fast 

Vil du bli ein del av eit inkluderande og fagleg sterkt arbeidsmiljø? Då håpar vi å høyre frå deg!

Kommunen sitt legekontor ligg på Heggenes, sentralt plassert mellom Beitostølen og Fagernes. Ved legekontoret er det fire spesialistar i allmennpraksis og ein LIS1 lege, samt dyktige dyktige medarbeidarar innan sjukepleie og helsesekretærteneste.

Vi har no ledig 50% fast stilling, med moglegheit for å jobbe inntil 100% i periodar. Vi søkjer deg som ønskjer ein variert og meiningsfull arbeidskvardag. Hos oss får du arbeide tett saman med erfarne fagpersonar og bidra til gode helsetenester for innbyggjarane i kommunen.

Vi søkjer primært sjukepleiarar, men bioingeniørar er også velkomne til å søke.

• Betene telefon og resepsjon
• Ta imot og følgje opp pasientar i behandlingsrom
• Utføre prøvetaking og andre oppgåver på laboratoriet
• Bidra med andre oppgåver etter behov og kompetanse

• Utdanning og autorisasjon som sjukepleiar eller bioingeniør
• Det er ønskjeleg med erfaring frå arbeid på legekontor
• Personlege eigenskapar vil bli vektlagt

Det er krav om politiattest i stillinga, etter helse- og omsorgstjenesteloven §5-4 .

• Du kan arbeide sjølvstendig, og i lag med andre
• Du har gode samarbeids- og kommunikasjonsevner
• Du har evne til å arbeide strukturert, også i periodar med høgt arbeidspress
• Du møter pasientar, pårørande og kollegaer på ein imøtekomande og respektfull måte
• Du er fleksibel og trivst med varierte arbeidsoppgåver

• Eit triveleg og inkluderande arbeidsmiljø
• Varierte og meiningsfulle arbeidsoppgåver
• Du vil få opplæring av dyktige og hyggelege kollegaer
• Løn etter kvalifikasjonar og gjeldande tariffavtale
• Gode forsikrings- og pensjonsvilkår i KLP

Om arbeidsgiveren:

Nasjonalparkkommunen Øystre Slidre ligg ved inngangsporten til Jotunheimen, med Beitostølen som et naturleg utgangspunkt. Vegen er kort til toppturar både sommar og vinter.

Friluftsliv, jakt, fiske og stølsliv er viktig i kommunen. Du finn mellom anna deler av Langsua nasjonalpark, eit stort turløypenett og milevis med skiløyper i heile kommunen. På Valdresflye varar skisesongen lenge. Velkommen til rein naturglede!

Reiseliv og jordbruk er blant dei største næringane, og det finst spanande arbeidsplassar innan fleire bransjar.Øystre Slidre har dei siste åra hatt vekst i folketallet.

Øystre Slidre kommune skal tilby gode tenester til innbyggarar og tilreisande i alle aldersgrupper. Nytt og moderne helsetun stod ferdig i 2021. Eit rikt kulturtilbod, eit godt tilbod til barn og unge og ein unik dugnadsånd er med på å gjere kommunen til ein attraktivt stad å bu.

Gode handelstilbod finn ein både i kommunen og rundt regionsenteret Fagernes.

Vil du vite meir om Valdres? Vi har unik natur, kultur og er ein attraktiv region, sentralt i Norge. Les meir på valdres.no.