Vernepleiar med fagansvar

Som fagansvarleg vernepleiar/sjukepleiar i Elvevegen får du ei sentral rolle i å sikre rett kompetanse gjennom målretta fag- og kompetanseutvikling. Du blir ein pådrivar for fagleg kvalitet, utvikling og læring, og bidreg til å styrkje eit allereie engasjert fagmiljø. Næraste leiar er avdelingsleiar, og de vil samarbeide tett om både faglege og organisatoriske oppgåver.

Stillinga er delt mellom 50 % fagansvar og 50 % turnusarbeid med dagvakter og arbeid kvar fjerde helg (kortvakter). Dette gjev deg ei unik moglegheit til å kombinere fagleg utviklingsarbeid med nærleik til praksis og tenestene vi leverer kvar dag.

I Elvevegen bueining møter du eit fagmiljø som er oppteke av kvalitet, samarbeid og gode tenester. Her bur 10 menneske i eigne leilegheiter, med ulike livssituasjonar og samansette hjelpebehov. Kvar dag arbeider vi for å gi trygge og individuelt tilpassa helse- og omsorgstenester. Vi yter også tenester til ein ekstern tenestemottakar i nærområdet, og har ei avlastingsbustad for born og unge med tilknytt dagsenter i bueininga.

Behovet for spesialisert kompetanse innan tenester til menneske med nedsett funksjonsevne er i stadig utvikling. Vi ønsker å møte desse krava med høg fagleg kvalitet og målretta utviklingsarbeid. Difor søker vi deg som brenn for fagutvikling, kompetanseheving og kvalitetsforbetring – og som ønsker å vere med på å vidareutvikle tenesta vår.

Vil du vere med og forme framtidas tenester saman med oss? Vi ser fram til å høyre frå deg.

• Ha ansvar for fag- og kompetanseutvikling, inkludert kartlegging av kompetansebehov, internundervisning, rettleiing og rådgjeving til tilsette.
• Sikre god opplæring og oppfølging av nytilsette og studentar, og vere bindeledd mot utdanningsinstitusjonar.
• Ha fagleg ansvar for tenestemottakarane, inkludert rettleiing av faggrupper og primærkontaktar, samt fagleg støtte til avlasting og dagsenter.
• Vere pådrivar i kvalitetsarbeid og sikre oppdaterte rutinar, tiltaksplanar og fagprosedyrar, inkludert ansvar knytt til HOL kapittel 9 og innføring av CRPD.
• Delta i og gjennomføre samarbeidsmøte med interne og eksterne samarbeidspartnarar, og bidra til godt tverrfagleg samarbeid.
• Bidra i legemiddelhandtering.
• Utføre andre delegerte oppgåver frå avdelingsleiar og einingsleiar.

• 3- årigutdanning på høgskulenivå. Fortrinnsvis vernepleiar, sjukepleiar vil bli vurdert.
• Interesse, engasjement og gjerne erfaring med fagutvikling.
• Erfaring innan forbetringsmetodikk og implementeringer er ønskeleg.
• Ønskeleg med relevant vidareutdanning.
• God norsk munnleg og skriftleg framstillingsevne.
• Erfaring frå arbeid i bustad og avlasting for menneske med nedsett funksjonsevne.
• Godkjent politiattest

• Du er trygg i rolla som vernepleiar og meistrar å engasjere deg sjølv og kollegaer i det faglege arbeidet.
• Du arbeider godt sjølvstendig og er god på samarbeid med medarbeidarar, samarbeidspartnarar, pårørande og avdelingsleiar.
• Du brenn for faget og har fokus på å utvikle tenesta til det beste for tenestemottakarane.
• Du har høg arbeidskapasitet og høgt nærvær, er løysningsorientert og fleksibel. Du må takla hektiske arbeidsdagar med uføresette hendingar.
• Du bidrar positivt i arbeidsmiljøet ved å fremja gode haldningar og etisk refleksjon.
• Du må like å ha eit stort ansvar for system og struktur.

Personlege eigenskapar vert vektlagt.

• Gode pensjons- og forsikringsordningar
• Individuell oppfølging
• Gode moglegheitar for støtte til utdanning
• Løn i tråd med tariffavtale og kompetansetillegg

Om arbeidsgiveren:

Vaksdal kommune er ein god kommune å leve, bu og arbeide i. Kommunen ligg sentralt mellom Voss og Bergen, og det er enkelt å reise hit med tog eller bil.

Hos oss blir du ein del av eit fagleg sterkt arbeidsmiljø med mange gode kollegaer. Vi arbeider aktivt med innovasjon og digitalisering, og du får store moglegheiter til å påverke di eiga arbeidskvardag.

Vi ønsker å spegle mangfaldet i befolkninga. Vi oppfordrar alle kvalifiserte kandidatar til å søke, uavhengig av kjønn, kulturell bakgrunn og funksjonsevne.

Før tilsetting må gyldig politiattest jfr. § 5-4 i helse- og omsorgstjenesteloven fremlegges. Prøvetid er 6 mnd. og for øvrig skjer ansettelsen på de vilkår og med de plikter som følger av lov, tariffavtaler og reglementer.

Dersom du ønsker å reservere deg frå å stå på den offentlege søkarlista, må du grunngi dette. Vi kontaktar deg dersom vi ikkje kan ta ønsket ditt til følge.