Fagsjukepleiar – Heimetenestene
Kvinnherad kommune
Om stillinga
Kvinnherad kommune har ledig vikariat i 100 % stilling som fagsjukepleiar i heimetenestene Husnes/Halsnøy i perioden juni 2026 til juni 2027.
Vi søkjer ein fagleg engasjert og utviklingsorientert sjukepleiar som vil vere med å styrkje kvalitet, pasienttryggleik og kompetanse i tenestene våre. Som fagsjukepleiar vil du ha ei sentral rolle i fagutvikling, rettleiing og opplæring av tilsette, og vere ein aktiv pådrivar for utviklings- og forbetringsarbeid og for organiseringa av arbeidskvardagen i heimetenestene.
Stillinga kombinerer fagutviklingsoppgåver med klinisk arbeid, og inneber tett samarbeid med leiarar, tilsette og andre fagressursar.
Arbeidsoppgåver
Fagleg rettleiing og oppfølging av tilsette
Opplæring av nytilsette, studentar, lærlingar og elevar
Planlegging og gjennomføring av kurs, temadagar og fagdager
Bidra til systematisk kompetanseutvikling i tenesta
Utarbeiding og oppdatering av faglege prosedyrar og rutinar
Delta i kvalitetsarbeid, inkludert avvikshandtering og pasienttryggleik
Følgje opp faglege satsingar og utviklingsprosjekt
Samarbeid med leiar om fagleg drift og utvikling
Bidra i tverrfagleg samarbeid internt og eksternt
Delta i klinisk arbeid og pasientoppfølging ved behov
Kvalifikasjonar
Autorisasjon som sjukepleiar
Relevant erfaring frå kommunehelsetenesta, fortrinnsvis heimetenester
Vidareutdanning innan relevant fagområde er ønskjeleg
Erfaring med fagutvikling, rettleiing eller undervisning er ein fordel
God digital kompetanse og kjennskap til journalsystem
Gode norskkunnskapar, både munnleg og skriftleg
Førarkort klasse B
Personlege eigenskapar
Fagleg engasjert og motivert for utviklingsarbeid
Evne til å rettleie, motivere og engasjere kollegaer
Gode samarbeids- og kommunikasjonsevner
Strukturert og sjølvstendig i arbeidet
Løysingsorientert og fleksibel
Evne til å arbeide systematisk og målretta
Det vert lagt vekt på personleg eignaheit.
Vi tilbyr
Ei sentral rolle i utvikling av heimetenestene i Kvinnherad
Eit godt og inkluderande fagmiljø
Varierte og utfordrande arbeidsoppgåver
Moglegheit for fagleg og personleg utvikling
Løn etter gjeldande avtaleverk
Gode pensjons- og forsikringsordningar
Tilsetjingsvilkår
100 % vikariat i perioden juni 2026 – juni 2027
Det vert lagt opp til dagtid og arbeidshelg, med moglegheit for å jobbe høgtid og aftenvakter
Arbeidsstad: Heimetenestene i Kvinnherad kommune
Gyldig politiattest må leggjast fram før tiltreding
Link til søknadsskjema: Søk her
Om arbeidsgiveren:
Kvinnherad kommune har vel 13.250 innbyggjarar og ligg i Sunnhordland, mellom Bergen, Haugesund og Odda. Rosendal er administrativt senter, medan Husnes er største tettstaden og har vidaregåande skule og handelssenter. Kvinnherad tilbyr gratis SFO og søskenmoderasjon i barnehagen. Naturen rundt byr på sjø, skog, fjell og bre. Kvinnherad Arena opna våren 2023, som er den største aktivitetshallen i kommunen. Idrettslag og kulturskule gir moglegheiter for både sports- og kulturinteresserte. Handelsmoglegheiter finn du på Husnes storsenter og i Rosendal, og det er gode transporttilbod både til Bergen og Haugesund. Kvinnherad kommune har per i dag ikkje eigedomsskatt for hus, hytter og næring. Bur du i Kvinnherad og er i jobb, kan du etter eitt år få sletta 25 000 kroner av studielånet. Sjekk og ut Friskus Kvinnherad for aktiviteter og frivillige oppdrag (https://kvinnherad.friskus.com/events)