Spesialpedagog i barnehage

Ulstein kommune har ledig stilling som spesialpedagog/støttepedagog i barnehage, med oppstart snarleg. Pedagogane er del av førskuleteamet ved eininga Inkludering og mangfald i Ulstein. I Ulstein er det 8 barnehagar, 3 kommunale og 5 private. Arbeidsområda er knytt til barn som har rett til spesialpedagogisk hjelp før opplæringspliktig alder, og arbeidet skjer for det meste i barnehagane der borna høyrer til.

• Utføre spesialpedagogisk hjelp etter enkeltvedtak til beste for den det gjeld
• Direkte arbeid med barna i eit inkluderande fellesskap for tidleg innsats
• Bidra til eit heilskapleg tilbod gjennom observasjon, kartlegging, planlegging og tilrettelegging, og sørge for nødvendig rapportering og dokumentasjon.
• Rettleiing av tilsette og føresette,
• Bistå med kompetanse innan det spesialpedagogiske feltet, og bidra til eit heilskapleg tilbod med god samanheng mellom det spesialpedagogiske og allmennpedagogiske
• Nært samarbeid med barnehagepersonalet, føresette og andre instansar

• Godkjent utdanning som barnehagelærar, helst med spesialpedagogisk utdanning og erfaring.
• Anna relevant utdanning med vidareutdanning i spesialpedagogikk kan bli vurdert.
• God munnleg og skriftleg framstillingsevne og nynorskkompetanse
  
• God kjennskap til systemretta arbeid
• God kjennskap til digitale verkty
  
• Erfaring frå arbeid i barnehage
• Rettleiingskompetanse er ønskjeleg
• Det er ønskeleg med kompetanse på bruk av alternativ suplerande kommunikasjon (ASK)
  

• Gode samarbeids- og kommunikasjonsevner
• Sjølvstende, fleksibilitet og kreativitet
• Endringsvilje og godt humør

Personlege eigenskapar vert lagt stor vekt på.

• Dyktige kollegaer og godt arbeidsmiljø
• Varierte, spanande og utfordrande arbeidsoppgåver
• Pensjonsordning i Storebrand
• Løn etter kvalifikasjonar og gjeldande regulativ

Om arbeidsgiveren:

Mellom storhavet og Sunnmørsalpane ligg Ulstein kommune med kommunesenteret Ulsteinvik. Hos oss står nyskaping og bulyst i høgsetet. Folketalet stig og nye utbyggingsprosjekt har blitt prisløna dei siste åra. Vi driv godt, har stram men ordna økonomi, gode tenester og høg fagleg kompetanse. Vi huser store maritime verksemder med global marknad og hjarte for lokalsamfunnet. Saman med engasjerte innbyggarar, ein blømande frivillig sektor og eit allsidig næringsliv skaper vi framtida.