Helsefagarbeidar

Er du ein dyktig helsefagarbeidar som ønsker nye utfordringar? Bu- og korttidseininga på Hareid sjukeheim er ein arbeidsplass i utvikling, og vi ønsker deg velkommen inn i eit engasjert fagmiljø der du får moglegheit til å gjere ein reell skilnad for pasientar og pårørande og som kollega.

Vi har ledig ei 100 prosent fast stilling som helsefagarbeidar. Arbeidstid er etter arbeidsplan på dag og kveld. 

Bu- og korttidseininga er ei ny eining med både korttids- og langtidspasientar. Eininga har 26 pasientrom som omfattar korttidsopphald, langtidsopphald, palliasjon og kommunal akutt døgneining (KAD). Vi er i ei spennande omstillingsfase, og vi ønsker medarbeidarar som er positive til endringar og gjerne er med på å forme eininga vidare.

Du skal

• hjelpe tenestemottakar i det daglege og aktivt bidra til kvardagsmestring
• sikre at tenester utøvast på ein fagleg forsvarleg måte, og i tråd med målsetting og vedtak
• gi pleie- og omsorg til pasientar i sjukeheim
• ha medansvar for internkontroll, kvalitetssikring og HMS
• bruke velferdsteknologi
• delta i kvalitetsutvikling av tenesta

Du må ha

• autorisasjon som helsefagarbeidar
• god digital kompetanse
• godt, norsk språk, både skriftleg og munnleg

Vi ønsker medarbeidarar som er engasjerte, profesjonelle og løysningsorienterte. Du må vere fagleg oppdatert, vise respekt og vere raus i møte med pasientar, pårørande og kollegaer. Du arbeider godt både sjølvstendig og i team, klarer å prioritere og har gjennomføringsevne. For oss er personsentrert omsorg og fagleg utvikling ein naturleg del av kvardagen, og vi forventar at du deler dette engasjementet.

Vi legg stor vekt på personlege eigenskapar – stabilitet, verdigrunnlag og arbeidsmoral er viktig for oss. Du må bidra til eit godt arbeidsmiljø og trivsel i kvardagen.

• Ein triveleg arbeidsplass med godt tverrfagleg arbeidsfelleskap
• spennande og faglege utfordringar
• kurs gjennom NHI og Visma-veilederen
• forsikring- og pensjonsordning gjennom KLP

Tilsettinga skjer på vanlege kommunale vilkår. Løn etter nærare avtale. Faste stillingar har seks månaders prøvetid.

Alle som søkjer på stillinga må søke digitalt gjennom rekrutteringsportalen Webcruiter. Du må laste opp relevante vitnemål og attestar. Vi gjer merksam på at søknaden blir vurdert ut frå den informasjonen som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga.

Intern søkjar: Dersom du ønsker å bli vurdert ut frå kriterium for intern fortrinnsrett, hakar du av for «intern søkjar» i søknadsskjemaet. Dette gjeld berre tilsette i Hareid kommune som er ufrivillig deltidstilsette jamfør arbeidsmiljølova paragraf 14-3, eller andre forhold knytt til lover og avtaleverk som kan gi fortrinnsrett.

Offentleg søkjarliste: Hareid praktiserer meiroffentlegheit og legg ut offentleg søkarliste. Du kan be om å ikkje bli oppført på offentleg søkjarliste, jamfør offentleglova paragraf 25. Ønsker du å reservere deg, må du opplyse om dette og forklare kvifor i søknaden. Hareid kommune kan likevel avgjere at namnet ditt blir offentleggjort – du blir i så fall kontakta i forkant.

Karoline Røvreit Flø, Einingsleiar, +47 94198242

Teigevegen 55
6060 Hareid

Arbeidsgivar: Hareid kommune

Referansenr.: 5110529924
Stillingsprosent: 100%
Fast
Søknadsfrist: 15.06.2026

Om arbeidsgiveren:

GODE TENESTER - GLADE TILSETTE

Hareid kommune har omlag 5300 innbyggarar, og 500 tilsette.

Våre tilsette er kommunens viktigaste ressurs. Kvaliteten på tenesteytinga er avhengig av kompetanse, og i kva grad vi har vilje og motivasjon. Innbyggjarane i Hareid er utgangspunktet for service- og tenesteytinga vår.

Inkludering og mangfald er ein styrke. Vi oppmodar kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Alle søkjarar blir førte opp på offentleg søkjarliste. Du kan søkje om anonymitet. Det må liggje føre særskilde omstende for å få innvilga unntak, jamfør Offentleglova § 25.

Gyldig politiattest av ny dato legg du fram til stillingar der dette er eit krav.

Attestar, vitnemål og vedlegg må ligge ved søknaden din. Du lastar opp dokumenta til søknaden din i Webcruiter.

Vi oppmodar deg til å nytte Vitnemålsportalen. Utdanning gjennomført utanfor Noreg må vere godkjent av HK-dir (tidlegare NOKUT), og du må dokumentere godkjenninga.

Jobbe hjå oss - Hareid kommune