Lærar

• Planleggje og gjennomføre undervisning i norsk og samfunnskunnskap
• Tilpasse opplæringa til deltakarar med ulik bakgrunn og læringsbehov
• Kartleggje deltakarane sitt nivå og følgje opp progresjon
• Dokumentere arbeid og resultat i tråd med gjeldande regelverk
• Samarbeide med kollegaer og relevante samarbeidspartar
• Medverke til eit trygt og inkluderande læringsmiljø

• Godkjend lærarutdanning eller annan relevant høgare utdanning
• Kompetanse i norsk som andrespråk er ønskeleg
• Kjennskap til læreplanar for vaksenopplæring
• Gode digitale ferdigheiter
• God munnleg og skriftleg framstillingsevne på norsk
  

• Tydeleg og trygg klasseleiar
• Engasjert, fleksibel og løysingsorientert
• Gode samarbeidsevner
• Evne til å motivere og sjå den enkelte deltakar

Bremanger kommune har fleire gode ordningar for deg som ønskjer å busette deg her:

• Hjelp til å finne bustad og barnehageplass
• Gratis barnehage
• Gratis 12 timar SFO i veka for elevar i 1.–3. klasse
• Fritidskortet som sikrar minst eit gratis fritidsstilbod i året for barn og unge mellom 6 og 18 år.
• Rekrutteringstilskot til nytilsette som er/blir folkeregistrert i Bremanger kommune; årleg tilskot på kr. 30 000,- i inntil fem år (totalt kr. 150 000 kroner)
• Bustadtilskot på 200 000 kroner til førstegangsetablerarar under 50 år.

Les meir om ordningane på https://bremanger.kommune.no/rekrutteringstiltak/

I tillegg får du:

• Eit godt arbeidsmiljø med humor, samhald og høg fagleg kvalitet
• Gode forsikringsordningar i arbeid og fritid
• Gode pensjons- og låneordningar gjennom KLP, Kommunal Landspensjon.
• Senioravtale for tilsette over 62 år

Du er velkomen som søkjar til eit godt fagleg og spanande arbeidsmiljø ilag med gode kollegear!

Om arbeidsgiveren:

Har du lyst til å bu tett på havet og naturen, i eit samfunn der det er godt å leve?

Bremanger kommune ligg ved kysten av Vestland fylke og har rundt 3.500 innbyggjarar. Her får alle barn gratis barnehageplass, og kommunen legg stor vekt på trygge og gode oppvekstvilkår. Kulturlivet og idrettsmiljøet er ope for både barn og vaksne, og naturen inviterer til eit aktivt friluftsliv, enten du er glad i fjellturar, sjøliv eller rolege stunder ute.

Grøn energi, industri, fiskeri og spektakulær natur er varemerket vårt. Vi er heimen til Grotlesanden, kystklippa Hornelen, Ålfotbreen og den legendariske Vetvika ut mot storhavet.

Vi håpar du vil bli betre kjent med oss – les meir på www.bremanger.kommune.no og www.godebremanger.no!